УБЗЗАК

ЗАМЫН ТЭМДЭГ, ТЭМДЭГЛЭГЭЭГ УГААЖ ЦЭВЭРЛЭЛЭЭ

admin — Mon, 23 Apr 2012 01:23:59 +0000

УБЗЗАК жил бүр нийслэлийн бүтээн байгуулалтын ажилд өөрсдийн хувь нэмрээ оруулж зам засварын ажлаас гадна зам арчлалтын ажлыг давхар хийж гүйцэтгэдэг. Тус компанийнхан өнгөрсөн амралтын өдрөөр нийслэлийн төв зам болох зүүн дөрвөн замаас баруун дөрвөн зам, Бага тойруу, Чингисийн өргөн чөлөөний 8,8 км замын тэмдэг, тэмдэглэгээний цагаан зурвас хэсгийг угааж цэвэрлэлээ.

АВТО ЗАМЧИД ЧАНАРТ ГОЛ АНХААРЛАА ХАНДУУЛНА

admin — Sat, 24 Mar 2012 00:25:03 +0000

Жил бүр уламжлал болгон зохион явуулдаг “Авто замын салбарын удирдах ажилтны зөвлөгөөн”-ий бэлтгэл ажлын хүрээнд дараах асуудлуудаар урьдчилсан хэлэлцүүлэг явуулсан юм. Үүнд: Авто замын засвар арчлалтын ажлын чанарыг сайжруулах арга зам, Зураг төслийн ажлын чанарыг сайжруулах нь, Салбарын хүний нөөц ба ажлын чанар, Зам, гүүрийн ажлын барилгын ажлын чанарыг сайжруулах нь, Зөвлөх үйлчилгээ, технологийн хяналтыг сайжруулах нь сэдвүүд багтсан. Хэлэлцүүлгээс гарсан санал зөвлөмжийг энэ удаагийн ээлжит зөвлөгөөнөөр хэлэлцэхээр шийдвэрлэсэн юм. Зөвлөгөөнд ЗТБХБЯ, Засгийн газрын хэрэгжүүлэгч агентлаг Авто замын газар, Нийслэлийн Авто замын газар, холбогдох төрийн болон төрийн бус байгууллагууд, хот хөдөөгийн зам барилгын компаниуд, зураг төслийн компаниуд, авто замын чиглэлээр боловсон хүчин бэлтгэж байгаа их дээд сургууль, коллежийн удирдах ажилтнууд оролцож салбарын өмнө тулгамдаж буй асуудлын талаар санал бодлоо солилцлоо. Монгол улсын хэмжээнд 2012 онд авто замын салбарт улсын төсвийн хөрөнгө оруулалтаар 346.9 тэрбум, гадаадын зээл тусламжаар 66.1 тэрбум, Засгийн газрын бонд, Хөгжлийн банкны хөрөнгө оруулалтаар 135.1 тэрбум төгрөг буюу нийт 548.1 тэрбум төгрөгийн хөрөнгө оруулалт хийгдэх урьчилсан тооцоо гараад байна. Уг хөрөнгө оруулалтаар 4154.5 км авто зам, 3465.3 у/м гүүрийн барилгын ажил хэрэгжих бөгөөд хөрөнгө оруулалтыг зөв зохистой зарцуулах, ажлын чанарыг сайжруулах нь зөвлөгөөний гол зорилго гэдгийг зохион байгуулагчид онцолж байна.

Зам засварын ажил ирэх сараас эхэлнэ

admin — Tue, 13 Mar 2012 07:32:37 +0000

Нийслэлийн зам засварын ажил ирэх дөрөвдүгээр сараас эхлэх аж. Үүнтэй холбоотойгоор Автозамын газраас Улаанбаатар хотын хэмжээнд барих зам засвар, шинэчлэлийн ажлуудын төлөвлөгөөг гаргажээ.
Улсын төсвийн хөрөнгөөр хийгдэх томоохон ажлаас дурдвал, Сонгинохайрхан дүүргийн Буяны 2.8 км, Сүхбаатар дүүргийн Бэлхийн таван километр, Шарга морьт-Жигжидийн уулзвараас Гүнтийн даваа хүртэлх таван км авто замын ажлыг гүйцэтгэх гэнэ. Мөн Баянгол дүүргийн хорооллын доторх 2.6 км авто замын шинэчлэлт, мөн Налайх дүүргийн III хорооны 0.5 км авто замын засвар шинэчлэлтийг гүйцэтгэх юм байна.

Түүнчлэн Яармагийн гүүрээс Нисэхийн товчоо, Сонсголонгийн уулзвараас Яармагийн товчоо хүртэл 13.7 км авто зам, Нисэхийн товчооноос Биокомбинат, Шувуун фабрик чиглэлийн 22.5 км авто замын өргөтгөл, шинэчлэлтийг гүйцэтгэх юм байна. Мөн Баруун Нарангийн үерийн хамгаалалтын далан дээрх 18 метр хос бетон гүүр, Баянголын амны орон сууцны хорооллын дулааны хос шугам дээгүүр гарах замын хучилтын ажлыг хийх гэнэ. Хан-Уул дүүргийн III хороо, Энгельсийн гудамжны 0.29 км авто замын өргөтгөл, шинэчлэлт гүйцэтгэж, Баянзүрх дүүргийн XXVI хороон дахь Нарны зам, “Баянмонгол” хорооллыг холбосон авто зам, автомашины нүхэн гарцын хамт барьж ашиглалтад оруулахаар төлөвлөжээ.

УБЗЗАК бүсгүйчүүдэд зориулав

admin — Wed, 07 Mar 2012 12:26:31 +0000

Хөөрхөн охид,
Хөөрхөн бүсгүйчүүдэд
Хөөрхөн эмэгтэйчүүдэд
Хөөрхөн ээжүүдэд
Гайхамшигт та бүхэнд баярын мэнд хүргэе.

УБЗЗАК-ийн хамт олон хөдөлмөрөө үнэлүүллээ.

admin — Sat, 18 Feb 2012 01:05:36 +0000

УБЗЗАК-ийн хамт олон өнгөрсөн жил нийслэлийн бүтээн байгуулалт, тохижилтын ажилд ихээхэн хувь нэмэр оруулан хөдөлмөрөө үнэлүүлэв. Тус байгууллагын захирал Д.Бат-Эрдэнийг авто замын салбарт олон жил үр бүтээлтэй ажилласан хөдөлмөрийг нь үнэлэн “Нийслэлийн тэргүүний ажилтан” цолоор энгэрийг нь мялаалаа. Мөн авто замын салбарт өөрсийн хувь нэмрээ оруулсан УБЗЗАК-ийн хамт олныг Нийслэлийн Засаг даргын тамгын газраас “Хүндэт өргөмжлөл”-өөр шагнажээ. Өнгөрсөн жилийн хувьд тус компанийхан ажлын өндөр амжилтаар шинэ оноо угтсан билээ. Бүтээн байгуулалтын томоохон ажлуудаас дурдвал Таван шараас Толгойт-Орбитын уулзвар хүртэлх 2,5 км замын өргөтгөл шинэчлэлт, Энхтайвны өргөн чөлөө Олимпийн болон Их сургуулийн гудамжны уулзварыг нэгтгэж дөрвөн замын уулзвар болгох, хойд зуслангийн авто замын урсгал засвар, ХУД-н Туул гол дээрх Сонсголонгийн төмөр бетон гүүрийн урсгал засвар, Айцын давааны зам арчлалт, НАЗГ-ын захиалгаар 1141 ширхэг, гадны байгууллагын захиалгаар 1149 ширхэг нийт 2335 ширхэг тэмдэг үйлдвэрлэсэн, Халдвартын эмнэлгийн урд талын авто замын засварын ажлуудыг чанартай хийж гүйцэтгэн улсын комисст хүлээлгэн өгчээ. Мөн НХХЯ, ЗТБХБЯ, ЭБЭХЯ-дын сайд нарын 2010 оны хамтарсан тушаалаар үйлдвэрлэл дээрх сургалт явуулах тендерт 2011 онд оролцож сургалтын эрх авч, замчин, бетон арматурчин, хүнд машин механизмын операторчины гурван сарын сургалтыг амжиллтай зохион байгуулав. Өнгөрсөн жил УБЗЗАК нь Нийслэлийн төсвийн хөрөнгө оруулалтаар долоон ширхэг авто замын машин механизмаар парк шинэчлэлт хийлээ. Ажилчдынхаа нийгмийн асуудалд анхаарч Баянзүрх дүүргийн наймдугаар хороонд 54 айлын орон сууцны ажлыг эхлүүлээд байна. Хөдөлмөр эрхлэлт, хүний хөгжлийг дэмжих жилийн хүрээнд 2011 онд 43 ажлын байр шинээр бий болгож, зургаан ажилтаныг эрдмийн зэрэг нэмэх болон мэргэшүүлэн, байгууллагад шаардлагатай боловсон хүчний чиглэлээр мэргэжлийн их дээд сургуульд есөн ажилтан сурч, авто замын барилгын ажлын чиглэлээр Япон, БНСУ, БНХАУ болон дотоодын богино хугацааны сургалтанд найман хүнийг хамруулсан байна. Ажилчдынхаа ажиллах ая тухтай орчныг бүрдүүлж компанийн барилгыг хоёр давхар болгон өргөтгөөд байна.

ХОТЫН ДАРГА ШИНЭЭР БАРИГДАХ ЗАМУУДТАЙ ТАНИЛЦАВ

admin — Sun, 22 Jan 2012 02:34:39 +0000

Нийслэлийн Засаг дарга бөгөөд Улаанбаатар хотын захирагч Г.Мөнхбаяр, Засаг даргын орлогч Б.Мөнхбаатар болон бусад холбогдох албаныхан энэ онд шинээр баригдах болон өргөтгөл шинэчлэлт хийгдэх томоохон авто замууд буюу Биокомбинат, Яармагаас Нисэх хүртэлх авто зам, Дэнжийн мянгаас Зурагтын эцэс хүртэлх авто замын ерөнхий төлөвлөгөөтэй танилцлаа.
Яармагийн гүүрнээс Нисэх хүртэлх зам 40 метр өргөнтэй, 16,1 км урттай. Хотын дарга Г.Мөнхбаяр хэлэхдээ “Энэ чиглэлд том оврын даац ихтэй автомашинууд их зорчдог. Хамгийн гол нь том оврын автомашинууд зорчихыг бодолцож замаа барих хэрэгтэй. Замын трасст орж байгаа аж ахуй нэгжүүдтэй ойрын хугацаанд уулзах учиртай. Яармаг, Нисэхийн чиглэлд дагуул хотуудыг барихаар өргөтгөж байгаа учраас энэ чиглэл рүү баригдах замуудыг анхаарах хэрэгтэй. Өнгөрсөн жил зам засварын ажлыг эрт эхэлж, олон ажил хийсэн шиг энэ жил олон зам засвар шинэчлэлийн ажил байгаа учраас эрт эхлэх хэрэгтэй” гэлээ.
Дэнжийн мянгаас Зурагтын эцэс хүртэл шинээр тавигдах авто замын трасст 78 обьект орсон учраас нүүлгэн шилжүүлэх, байршлыг нь өөрчлөх шаардлага тулгарч байна. Түүнчлэн Шалган бүртгэх товчоодыг нүүлгэн шилжүүлэх, шинэчлэх асуудал яригдсан. Энэ ондоо багтааж хоёр товчоог шинэчлэх юм.

УБЗЗАКомпани оны шилдгүүдээ тодрууллаа

admin — Wed, 28 Dec 2011 16:27:37 +0000

Шинэ оны босгон дээр УБЗЗА компанийн хамт олон шилдгүүдээ тодруулав. Тус байгууллагынхан 2011 оны ажлаа дүгнэж эрхэлсэн ажилдаа амжилт гаргасан ажилтнуудаа шагнаж урамшууллаа. Замчдынхаа хөдөлмөр бүтээлийг үнэлж Байгууллагын Хөдөлмөрийн аваргаар замчин Д.Доржсүрэн, Шилдэг зохион байгуулагчаар талбайн инженер Т.Эрдэнэчимэг, АБЗаводын инженер Ц.Туяабаатар, тэмдэгийн үйлдвэрийн даамал М.Болат, Шилдэг ажилтнаар замчин Ж.Батсүх, тэмдэгчин М.Баяржаргал, авто зогсоолын зохицуулагч М.Өлзиймаа, Тэргүүний хамт олноор Асфальтбетон зовадын хамт олон, тусгай шагналаар ерөнхий инженер Т.Янжиндулам, АБЗаводын дарга Ц.Сэнгээ, тэмдгийн үйлдвэрийн дарга К.Гульбахит, авто зогсоолын зохион байгуулагч С.Дашням, архивын эрхлэгч Д.Жавгаа, автогражийн инженер Л.Өлзийсайхан механизмчин Ц.Энхдалай, операторчин О.Байгаль нар шилдгээр тодорлоо.

Спортын төв ордны зогсоол төлбөртэй болно

admin — Thu, 24 Nov 2011 09:11:31 +0000

Нийслэлийн иргэдийн төлөөлөгчдийн хурлын 2009 оны 12 дугаар сарын 23-ны өдрийн 4/27 дугаар тогтоолоор “Нийтийн эзэмшлийн зам талбайд тээврийн хэрэгслийн төлбөртэй зогсоол ажиллуулах журам” батлагдан гарсан. Төлбөртэй зогсоолыг Нийслэлийн төв хэсгийн албан байгууллага төвлөрсөн газруудад буюу Хангарьд ордон, Спортын төв ордон, Улсын драмын эрдмийн театр орчмын талбайд тээврийн хэрэгслийн төлбөртэй зогсоолыг ажиллууллахаар болсон. Энэ сарын 21-нээс Хангарьд ордны төлбөртэй зогсоолыг ажиллуулж эхэлсэн бол маргаашнаас Спортын төв ордны зогсоол төлбөртэй ажиллаж эхлэнэ. Төлбөртэй зогсоолд тээврийн хэрэгсэл 30 минут зогсоход 500 төгрөг, 60 минут бол 1000 төг, 90 минут нь 1500 төгрөг, 120 минут нь 2000 төгрөг харин хоёр цагаас дээш зогсвол цагийн 500 төгрөг байна. Харин зөвшөөрөгдсөн цагаас илүү хэтрүүлж тээврийн хэрэгслээ зогсоолд тавьсан бол цаг тутамд 3000 төгрөгийн торгууль ногдуулна. Дээрх гурван төлбөртэй зогсоол нь 190 машины багтаамжтай бөгөөд цаашид “Улаанбаатар зам засвар, арчлалт компани” хариуцан ажиллуулна. Төлбөртэй зогсоолын үйлчилгээнээс орох орлогын 60 хувийг Авто замын санд төвлөрүүлэх аж.

108-Н АЙЛЫН АЖИЛЧДЫН ОРОН СУУЦНЫ БАРИЛГЫН АЖИЛ ГҮЙЦЭТГҮҮЛЭХ ТЕНДЕР

admin — Tue, 15 Nov 2011 03:22:55 +0000

Тендер шалгаруулалтын дугаар: УБЗЗА 11/1
“Улаанбаатар зам засвар арчлалт“ ОНӨААТҮГ нь эрх бүхий тендерт оролцогчдоос ажилчдын 108-н айлын орон сууцны барилгын ажил гүйцэтгүүлэх тухай битүүмжилсэн тендер ирүүлэхийг урьж байна.
Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр иж бүрдэл бүрийг нь 200000 (Хоёр зуун мянган) төгрөг, эсхүл түүнтэй тэнцэх хэмжээний чөлөөтэй хөрвөх валютаар худалдан авч болно
Тендер нь түүнийг нээсэн өдрөөс эхлэн 30 хоногийн дотор хүчинтэй байна.
Тендерийн хамт ирүүлсэн үнийн саналын нэг хувьтай тэнцэх төгрөг, эсхүл түүнтэй тэнцэх чөлөөтэй хөрвөх валютын дүнтэй тендерийн баталгаа ирүүлнэ.
Тендерийг 2011 оны 12-р сарын 29-ны 11 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2011 оны 12-р сарын 15-ны 11 цаг 30 минутанд нээнэ.
Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Улаанбаатар хот, Баянзүрх дүүрэг, 14-р хороо, Жуковын өргөн чөлөө
“Улаанбаатар зам засвар, арчлалт” компанийн байр
Холбогдох албан тушаалтны нэр: У.Баямаа
Утас: 453503,453501,96070025

УБЗЗАК-д шагналын хур буулаа

admin — Mon, 31 Oct 2011 03:21:51 +0000

Монгол улсад авто замын салбар үүсч хөгжсөний 82 жилийн ойн баярыг тохиолдуулан УБЗЗАКомпанид шагналын хур буулаа. Өнгөрсөн долоо хоногт тус байгууллагынхан баяраа тэмдэглэн нийслэлийн болон салбарын шагналаар олон хүн энгэрээ мялаалаа. Тухайлбал ЗТБХБЯам-ны “Тэргүүний замчин”-аар Тэмдгийн үйлдвэрийн дарга К.Гульбахит, Автогражийн инженер Л.Өлзийсайхан, “Онц тээвэрчин” цолоор жолооч Б.Жадамба, Нийслэлийн авто замын газрын “Талархал”-аар жолооч С.Самбуу, тэмдэгчин Б.Еркетай, Нийслэлийн засаг даргын “Хүндэт жуух бичгээр” механизмчин Ц.Энхдалай, Захирагчийн ажлын албаны “Ерөнхий менежерийн өргөмжлөл”-өөр тооцооны нябо О.Батжаргал, тэмдэгчин О.Алтай, Монголын авто замчдын үйлдвэрчний эвлэлүүдийн холбооны шагналаар авто зогсоолын зохицуулагч Ж.Баатарцогт, тэмдэгчин Н.Нямсүрэн нарыг тус тус шагнаж урамшууллаа.

Шагналын хур буусан баярт мөчид тус байгууллагынхан сагсан бөмбөг, гар бөмбөг, олс таталтын тэмцээн зохион байгуулж аваргуудаа тодруулав. Тэмцээнд зургаан баг оролцож хурд хүчээ сорьсоноос сагсан бөмбөгөөр нэгдүгээр байрыг “Замчин” баг, хоёрдугаар байранд “Захиргааны баг”, удаах байранд “Тэмдэгчин” баг тус тус байр эзлэв. Гар бөмбөгийн тэмцээнд нэгдүгээр байрыг “Тэмдэгчин”, хоёрдугаар байрыг “Захиргаа”, гуравдугаар байрыг “Замчин” багууд эзэлж, олс таталтын тэмцээнд нэгдүгээр байранд “Граж” баг, хоёрдугаар байранд “Зогсоол” баг, “Замчин” багууд тус тус эзэлж нийт оноогоор “Замчин” баг шилжин явах цомын эзэд боллоо.

Авто замын салбар үүсэж хөгжсөний 82 жилийн ойн баярын мэнд хүргэе

admin — Thu, 27 Oct 2011 07:12:09 +0000

Монголчууд эртнээс “Ном судар бүтээлгэх”, “зам гүүр засах”, “худаг ус гаргах” гурван үйлийг хүний ертөнцийн хамгийн ач буянтай үйл хэмээн дээдлэн ирсэн түүхтэй. Авто зам бол тухайн улс орныхоо хөгжил дэвшилтэй салшгүй холбоотой бүтээн байгуулалтын ажил юм. Монгол улсад авто замын салбар үүсэж хөгжсөний 82 жилийн ой энэ жил тохиож байна. Энэхүү баярын өдрийг тохиолдуулан авто замын хөгжилд гар бие оролцож урт дардан замыг бүтээлцэж ирсэн ахмад замчид болон УБЗЗАК-ийн хамт олондоо баярын мэндийг хүргэж, алтан шар зам шигээ зурайн тодорч, ирээдүйн сайн сайханд хөтөлж байх болтугай.

Уулзваруудад хийсэн шар хэрээсэн тэмдэглэгээ

admin — Sat, 22 Oct 2011 17:18:46 +0000

СУРГАЛТАНД СУРАЛЦАГСАД ЯВЦЫН ШАЛГАЛТААР ӨНДӨР ҮНЭЛГЭЭ АВЛАА

admin — Wed, 31 Aug 2011 03:00:18 +0000

НХХЯ, ЭБЭХЯ, ЗТБХБЯ-дын хамтарсан тушаалаар УБЗЗАК тендерт сургалтандаа одоогоор 40 хүнийг хамруулан төгсөгчдийг ажлын байраар хангаад байгаа.Суралцагсдыг үйлдвэрлэл дээр дадлагажуулж, сургалтын явцын шалгалтыг Хөдөлмөр халамжийн төв, ЗБХБ-н сургалтын агентлаг, Хөдөлмөрийн төв бирж, Авто замын холбооноос шалгав. Шалгалтаар тус компанийн сургалтанд хамрагдаж байгаа суралцагсад өндөр үнэлгээ авлаа. Мөн бетон арматурчин, замчин, хүнд машин механизмын операторчины сургалт явуулах эрхийг авснаар компанийн байранд жилийн дөрвөн улирал авто замын салбарт ажиллах мэргэжилтнүүдийг бэлтгэнэ. Уг сургалтыг зохион байгуулахаар компанийн байрыг хоёр давхар болгон өргөжүүлж стандартад нийцсэн сургалтын танхимыг байгуулах бэлтгэл ажил хийгдэж байна. УБЗЗАК компани цаашид сургалтандаа олон хүнийг хамруулж мэргэжил эзэмшүүлэн, сайн суралцагсдыг ажлын байраар хангана.

БАЙГУУЛЛАГЫН АЖИЛЧИД ЭРҮҮЛ МЭНДИЙН ҮЗЛЭГ, ШИНЖИЛГЭЭНД ХАМРАГДАВ

admin — Mon, 29 Aug 2011 10:15:58 +0000

Авто замын салбарт ажиллаж байгаа замчид хүнд, хортой нөхцөлд ажилладаг учраас УБЗЗАК байгууллагын ажилчдынхаа эрүүл мэндэд анхааран жил бүр нарийн мэргэжлийн эмч нарын үзлэг, шинжилгээнд хамруулдаг уламжлалтай. Тус компани БЗД-ийн Эрүүл мэндийн нэгдэлтэй байгуулсан гэрээний дагуу Поликлиникийн нарийн мэргэжлийн эмч нарын урьдчилан сэргийлэх үзлэг, шинжилгээнд ажилчидаа хамруулдаг. Нарийн мэргэжлийн эмчийн үзлэгийг дотор, зүрх судас, чих хамар хоолой, шүд, эмэгтэйчүүд, хэт авиан оношлогоо, лаборатори, арьс харшлын эмчийн бүрэлдэхүүнтэйгээр зохион байгууллаа. Эрүүл мэндийн үзлэгт нийт 82 ажилтан хамрагдсан. Цаашид эмчлүүлэх шаардлагатай ажилтнуудыг харьяа дүүргийн өрхийн болон ЭМ-ийн нарийн мэргэжлийн эмч нарын хяналтанд орж, эмчилгээ хийлгэхийг зөвлөв.

УБЗЗАК “САЛБАРЫН МАНЛАЙЛАГЧ ХАМТ ОЛОН” ЦОЛ ӨРГӨМЖЛӨЛӨӨР ШАГНУУЛАВ

admin — Mon, 22 Aug 2011 07:40:59 +0000

Өнгөрсөн баасан гарагт УБЗЗАК Түмэн олны итгэлт түнш “Салбарын манлайлагч хамт олон” цол өргөмжлөлийн эзэд боллоо. Монгол улсад барилгын салбар үүсэж хөгжсөний 85 жилийн ойг тохиолдуулан “Барилгын үйл ажиллагааны өрсөлдөх чадварыг дэмжин судлах нийгэмлэг”-ээс энэ үйл ажиллагааг зохион байгуулав. Тус нийгэмлэг нь дэд бүтэц, барилгын салбарын хөгжил дэвшилд хүчин зүтгэж бодитой хувь нэмрээ оруулан стратеги төлөвлөгөөг зөв зохистой боловсруулан тэргүүлэх чиглэлтэй, өрсөлдөх чадвартайгаар ажиллаж байгаа байгууллага хамт олныг шагнаж урамшуулдаг юм байна. Уг шагналаар “Жигүүр гранд”, “Эко констракшн” зэрэг барилгын салбарын томоохон компаниуд шагнуулав. Их хотынхоо бүтээн байгуулалтын ажилд хувь нэмрээ оруулан ажиллаж байгаа байгууллагынхаа хамт олонд “Салбарын манлайлагч хамт олон” болсонд баяр хүргэж ажлын амжилт хүсье.